BlikoorbiltongVrystaat · Sedert 2010
Droëwors, cabanossi en biltongwiele — met sorg gekies, gemaal en gedroog in ons familie-slaghuis in Reddersburg, reg teenaan die N6 in die hart van die Suid-Vrystaat. Klein besigheid, groot Afrikaanse trots.
Blikoorbiltong kom uit ons familie-slaghuis in Reddersburg, reg teenaan die N6. Hier gebruik ons slegs top gehalte C-graad beesvleis met lekker geelvet in al ons produkte — want by ons is geelvet jou vriend, nie jou vyand nie.
En hoekom "Blikoor"? Want ons is almal gebore en getoë Vrystaters — blikore deur en deur — en ons maak biltong soos net 'n Vrystater dit kan maak.
Reddersburg is 'n egte Vrystaatse plattelandse dorp, so 40 kilometer suid van Bloemfontein. Ry jy op die N6 tussen Bloemfontein en die Oos-Kaap, is ons reg langs die pad — die perfekte draaiplek vir padkos wat regtig die moeite werd is. Hier ken almal mekaar, en ons maak ons vleis soos ons dit vir ons eie mense maak: eerlik, vars en sonder kortpaaie.
Slegs top gehalte C-graad beesvleis en lekker geelvet, reg hier uit die Suid-Vrystaat — die grondslag van elke wiel, elke stuk biltong, elke droëwors, chilli bite en cabanossi wat ons slaghuis verlaat.
Biltong en stukkies word gekerf, wiele word dun gesny en in ons chutney-marinade gerol, chilli bites kry hul skop uit ons chilli-speserye, en vir droëwors en cabanossi word vleis en geelvet gemaal en gekruie.
Cabanossi word eers gecure en berook, en dan word alles — biltong, stukkies, wiele, droëwors en chilli bites — stadig en natuurlik gedroog, nes jy dit wil hê.
Ses gewilde items, elkeen met die hand voorberei in ons slaghuis in Reddersburg — bestel direk op WhatsApp, of kom kuier as jy op die N6 verbyry.
Dun gesnyde biltongwiele wat in ons soet-pittige chutney-marinade gerol word en dan stadig gedroog word tot elke wiel vol geur is.
Top gehalte C-graad beesvleis met lekker geelvet word gekerf, met growwe koljander en ons eie speserymengsel gekruie, en dan natuurlik gedroog in ons slaghuis.
Dieselfde geliefde geelvet biltong, na die droogproses in happie-grootte stukkies gesny — reg vir die pad of die rugbykyk.
Vleis en geelvet word gemaal, met koljander en ons eie speserye gekruie, vars gestop en stadig gedroog sodat dit in jou mond smelt.
Repies met 'n lekker stukkie geelvet word in ons chilli-speserymengsel gerol en gedroog — skerp gekruie, vir dié wat van vuur hou.
Ons cabanossi word eers gecure, dan stadig berook en daarna gedroog vir daai unieke rokerige smaak.
"We stopped there early January on our way to Letsatsi to buy some wors, droëwors and biltong wheels. We stopped there again on our way back to Bloem... Congratulations on the tastiest products."
"Friendly service. The tastiest biltong wheels and crackling. Sorry we can't order and have it delivered by courier."
"A small butchery with the best chilli bites that I have had in the Free State."
Ons familie-slaghuis staan in Reddersburg, reg teenaan die N6 — so 40 km suid van Bloemfontein, op pad Oos-Kaap toe. Draai gerus af vir die beste padkos op die roete.
📍 Wys ons op Google MapsBestellings, hoeveelhede of vrae oor aflewering — stuur vir ons 'n boodskap en ons antwoord persoonlik. Of kom groet sommer self by die slaghuis in Reddersburg, reg teenaan die N6.
WhatsApp 060 765 8467